65 сая долларын хурим

Баян бүсгүйтэй гэрлэхийг хүсэж буй залуусын хувьд томоохон боломж гарлаа. 33 настай энэхүү эмэгтэйн аав нь Хонгконгийн тэргүүн баяны нэг болох Сесиль Чао (Cecil Chao) юм. Тэрээр өөрийн охины сэтгэлийг татаж, өөртэйгөө гэрлэхийг зөвшөөрүүлж чадсан ямар ч залууд 65 сая доллар өгнө хэмээн зарласан байна. Энэ залуу баян ч байж болно, ядуу ч байж болно гэж 76 настай тэрбумтан хэлжээ. Магадгүй энэхүү мэдээг сонссон орон орны ганц бие эрчүүд түүний сэтгэлийг эзэмдэхээр Хонгконг руу явах болов уу.

Хамгийн гол шалтгаан нь түүний охин Гиги Чао (Cecil Chao) ижил хүйстэн бөгөөд долоон жил амьдарсан ижил хүйстэн хостойгоо Парист гэрлэсэн хэмээх мэдээг сонсоод сэтгэл нь ихэд гонсойж энэхүү мэдэгдлийг хийсэн аж. Гиги Чао хэлэхдээ: “Би аавдаа огтхон ч уурлаагүй. Харин түүний хийсэн энэ үйлдэл миний сэтгэлийг хөдөлгөсөн. Аавыгаа надад үнэхээр их хайртай юм байна гэдгийг би дахин мэдэрсэн” гэж бүсгүй хэлжээ. Сесиль Чао охиныхоо энэхүү байдлыг засаж болно хэмээн үзэж байгаа учраас ийнхүү шийдсэн байна. Энэхүү мэдэгдлийн дараа Гиги Чао руу “ Америкийн халагдсан цэргүүд, Турк, Өмнөд Америк болон Португаль улсын залуучууд захиа бичсэн гэнэ”. Түүнийг сонирхож буй залуучууд аль хэдийн гарч ирсэн бололтой.